جواب مرسل بعلم الوصول و ربما لن يصل

جابت الورقة ..و القلم أبو سن رفيع و خط حلو ,لونه أسود
سندت الورقة على كشكول سلك
العزيزة .. قالت في سرها لأ خليها عزيزتي شخبطت ..
عزيزتي منى
....تحية طيبة وبعد
كنت افكر عن ماذا سأكتب لكي ؟ أاكتب عن حياتي ؟ ليس بها شيء مميز على الاطلاق حياة مملة روتينية
ربما هذا يعطيني فكرة عن ان نقوم سوياً بشيء يكسر الروتين و الملل القاطن في حياتنا .
ربما رحلة مجنونة الى مكان مجهول ,او رحلة عادية اللي مكان معلوم (نظراً للظروف المادية اللتي لن تساعد على القيام برحلة مجنونة) ربما ليست رحلة على الاطلاق ربما هي خروجة الى أحد الكافيهات و نحتسي فنجان من القهوة السادة سوياً و نثرثر عن كل شيء عن اللا شيء الذي يملأ حياتنا .
عن سوء الحظ , و العمل المتعب الذي صار مقرف و الناس التي تغيرت و لم تعد كما كانت .
نتحدث عن اخر كتاب قرأته و اخر رواية أنهيتيها .
ربما ينتهي فنجان القهوة فأطلب فنجان اخر و انتي تقولي : (اتنين لو سمحت) يأتي الفنجانان الثانيان و نثرثر اكتر عن اللا شيء
يتأخر الوقت يجب ان نعود نودع بعضنا و نعد كلاً منّا بأن نقوم بخروجة اخرى .
أكتبي لي ان كانت أعجبتك الفكرة .
صديقتك هالة
تتني الورقة و تحطها في الظرف و تنزل من البيت تحط عليها طابع البوسطة و تقيده بعلم الوصول ترميه في الصندوق و تقول في سرها :ٌٌُ(جواب بعلم الوصول ربما لن يصل ابداً)
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
إهداء الى ميّ محمود

الحياة لسه فيها اكتر

• انا اكتشفت ان الحياة لسه فيها أكتر عشان نكتشفه , و ان الناس لما بتموت ده معناه ان هما شافوا كل حاجة خلاص و مش مكتوب لهم حاجة أكتر عشان يشوفوها .

• و كل واحد انتحر حرم نفسه من حاجات كتير كان ممكن يشوفها و تسعده.انا مؤمنة ان ربنا ما بيعملش حاجة وحشة لينا و ان كل أيام صعبة في الحياة هتبقى سبب في منع حاجة أوحش تحصل و ان فيه حاجة حلوة جاية بعدها .

• بس احنا بتفكيرنا الأدمي البسيط ما بنفهمش الحكمة من اللي بيحصل.
  

• احنا لو بصينا حوالينا هنلاقي حاجات كتير أوي لسه ما نعرفهاش و ممكن نكتشفها و اللي عرفناه و شوفناه نقطة في بحر ....

• مش لازم دي تكون دعوة للتفاؤل ممكن تكون دعوة للتفكير .

دور في دفاترك القديمة ممكن تلاقي حاجة ماأكتشفتهاش زمان و ممكن تكتشفها دلوقتي